غناوى علم

اذهب الى الأسفل

default غناوى علم

مُساهمة من طرف حمزة بوحقيفه في الإثنين يناير 01, 2007 8:19 am

فاتك عزيز ما تفوتيه... ورآه وين يا عين شايله
حتى كي أنقول أنسيت... نلقى عزيز داره ا مقابله
طالب الله يا دار... تبقى ربيع ديمه حومتك
بشويش جيبهم يا قسم... إعزاز نين فيدي أتحطهم
أنحمل فيه عيب الناس... لآجل أرضاك يا صاحب الغلاء
العقل كان درنا صوب... جديد ما ينسيه لولى
اتركهن تنال جميل مالك سبب في ذنبهن.

أنتي سبايبه ياعين غلا عزيز لولاك ما رسم.

اجعن دعاي يامرهون تلقاه في ضرراي كبيدتك.
غيات الغني ياعين عذاب غير عاده جاريه.

اعزاز مالكين العقل ينساهم منامه يجيبهم.


العقل واسع الجالات أضايق مع نار الغلا.


العقل ما ينام الليل سطير جرح لولاف سمره.


الـعـقل يابـعاد الـدار يـمـسي مـعاي ويبات عـندكـم.


العقل في بلاد جهال؛ إن دار الغلا ياذوه ياعلم.


العقل ماعطوه حقوق اصحاب الغلا ضالمينه.


الدمع ما يجلي الياس أيزيدكن أرياف وتنعمن.


الدمع يوم ياس عزيز لو كان غيث لوطان أرجعن.


العين هدبها مفتول علي عزيز ياما باكيه


العين قابلت ووزنت والعقل قال ما كيفك علم.


العين هي عـذاب العقل دلاته علي راي ذيبله


الـعـين في العذاب اتحمل ترجاهم رجا نين يـقسموا.


العين من غلا مرهون تذوح ما دباره لاقيه.


العين شوقها مرهون والفاضي اغباوه دايره.


العين وين قالت تاب مرهون دار بيه نين نقضه.


العين حاسبت لو قات لقت زمانها مايل بكت.


النار في قرار العقل نزلت ياعلم دار راكحه.


النار قايله للعقل أن صار يأس لولا ف ناخـذك.


الناس يحسبوك ربيع وأنت عذاب يانار الغلا.


الصبر خير واشوي ذنب واكثر جميل وأولي م البكا.


اللي بهم الصيف ربيع خشوا ا لجون ياعين باعدوا.


اللي غلاه في مرهون دواه صبر ياطول عازته.


إينوس خاطري مهيوس من ياس ناس كانو له ونس.


بلا قشوشه للنار تشيط نوحلو في ردمها.


بعد رديم الياس شبت نار لولاف لهلبت.


بنيت قصر في لامال .... اكبر الياس جاني وهدمه.


بالك عليه اتغلي ويبقالك عزيلة خاطري.


بلاك ما نريد انعيش نفداك بالروح ياعلم .


تبقي حايسه وتموح عزيز وين عيني تنظره.


تقد يعك علي لوهام بلا نصيب ياعين تجهلي.


تنهاهن يديرن عزم يجيهن الليل ويذرفن.


ترجاك والرجاء في الله العين ياعلم ما ميسه.


تبقي حايسه وتموح عزيز وين عيني تنظره.


تشيط في خفا وتبان سبيل عادة النار ياعلم.


تاكل بلا دخان جواني دقيله نارهم.


ترجي العين تاسع ياس ترقيع في غلا بايد لها.


تذوح في عقاب الدار تلقي عزيز هيال بالها.


تصليب جابها ع الكبد خبير ياعلم نارا لغلا.


تقول شاطات اليوم غيات ياعلم باد جيلهن.


توا روا وهم حيين عرب أجواد كانوايفعلوا


ثلاث هن دوا المريض ان جن يموت وان غابن بري.


جبد سريب جابك فيه بكا العقل ما حوته سكت.


جرت عليه نار عزيز العقل نين شاكي خالقه


جروح يا عزيز غلاك م الغيبه برايا ع العدم.


حرثن فيه نين جبرن شلال دمعتي يوم ياسهم.


حتي والمواوير يـاس غلا عزيز نا ما نتركه.


حتي وهو عذاب سنين يغات ا لمراهين فاكه.


حتي وانت فيك الياس خلق الله توقاتك فرج.


حال غايتي في الصوب وان صار الخطا مانحضره.


حتي وأنت فيك الياس خلق الله توقاتك فرج.


خليت ياعزيز ألعقل جنازه بلاروح واقفة.


خلاني صفا ليام نشاكي اللي مانشغله.


خلا ني غلا مرهون نموج في هواء ماله سند.


خلاك حايره في ألراي غلا عزيز ياعين هو أللي.


خطر ودار لك مشغال عزيز قبل يا عين ناسيه.


خاطر عليك عزيزا ليوم وامس يا عين باكيه.


خلفت ياعزيز معاي فواهق بنيران يطلقن.


خطاك باعزيز معاي كبير غير كاميه خاطري.


خطاك من خطاك معاي سبق خطاك كافيت بالخطا.


خطرها خطاك العيب اللي معاي جا ما لا سبب.


خذيته وصار أمعاك رفيق زين ماهو أمطالقك.


خوفنا بعد توبات جرونا مراهين ما فضوا.


دموعي علي لولاف شلال كيف ماره فالجبل.


ديما قبال العين سوا بعاد والا يقربوا.


دموعي علي لولاف أسقطن في صفاء دارن حفر.


دموعك عليه كبار غلا عزيز يا عين ذيبلك.


دهوار بلاهم خير اللي لا غنوا لاريحو.


ديم قبال العين عزيز لا تواري لاقسم.


دموعك عليه حلال عزيز كيف ياعين والدك.


دموعك عليه كبار غلا عزيز ياعين ذيبلك.


حرثن فيه نين جبرنشلال دمعتي يوم ياسهم.


دعاي ياعزيز عليك أدعا حاج مولاي قابله.


ذنوب يا عزيز عليك سمار وانت في نومك هـني.


راقد وجاك النوم كذاب مو غلا نا جارحك.


رجيت والرجا ما جاب ننساهم الله غا لب علي.


رماهن صفا ليام علي عويل مو قيسا لهن.


رجيتك وطال رجاك وانسيتك وما نيتي نسا.


رزاك عرف ما فيك صبا العقل ورماك طوطشه.


روامي أرمام العقل خطر عزيز حوما جابهن.


زعمه يا عزيز تسال والا سحبك ديوان غيرنا.


زعمه كيف صارا لموح مدعي غلاي مازال جابده.


زرعت زرع جاب أثمار جنوه ناس ما نالوا شقا.


زعزاعة الياس تغير ع العين وين ما دارت نما.


زعمه ما يريدا لعقل يزها بيك ولا يوم ياعلم.


زعمه كيف صارا لموح مدعي غلاي ما زال جابده.


زلازل وفيض ونار غياتك براكين خلفن.


سلام غالبه الكلام من ضيم ياعلم نارا لغلا.


سياتك المتبعات ننساهن تجيني بغيرهن.


سمرن نين ماح النجم حتمن يأس غاليهن غفن.


ستين الف جوز طبيب الجرح جار عانوه كادهن.


سفا رديم ع النيران العـقـل وين مافيهن وحل.


سحبه صوب مرهونين العقل ما عليه والي نشد.


.سريب صوب جا للعقـل نساه يا علم طاري الهل



شلال من شراب عزيز دموعي علي ياس العلم.


شدي عزا يمك ياعين يفـني العمر يابال الغلا.


شكاع بارقه ما بات غلا جديد لا في خاطري.


شكواك وانت داك كبير للي سليم بورة حا سرة.


شراب في ا لمفاصل ذاب غلاك داه ما لا دواء.


شقانا وراهم ضاع سعد غيرنا فيهم قوي.


شرهان خاطري بغلاك يطولك ولا راضي ع البكاء.


صبا ا لعقل يوزن فيك لقيك ردع لوطان كلهن.


صبار وا لكواين فيه شديد عزم ثاريت خاطري.


صبرن يا عزيز سنين اللي قبل يوم يكيدهن.


صبا لي وزير الياس نساني غلا مو برادتي.


صنم شكيت له م الياس جبر بخاطري وقال يقسموا.


صعوده تهابي فيه غلا عزيز يا عين كايدك.


ضليتي ضلال كبير وراء عزيز يا عين الحياء.


ضليله وراء مرهون العين م ا لبكاء نين أنعمت.


ضليله رايها مازال العين بالمراهين شاقيه.


طباعة غلا مرهون تناوض علي رأس حولها.


طروا عزيز ع الغفلات سهيت نين ما فيدي وقع.


طارح فراش الياس العقل نام نومه ريحه.


طالب الله فزاع يجيب ناس ماضي صوبهم.


طالق معانا نار جرار غلاك مازال غايتي.


طبيب ياعزيز غلاك صفق ايديه مولاقي عزاء.


ظليمه عليه الصبر جرحه جديد مازال خاطري.


علي اثر جيرته مرهون؛ تما بغيبته ما ينطري.


عليه أبشري ياعين عزيز كان مرهون وفضي.


عليها شرار النار غيات المراهين يعلم.


عليهم لها مدات عزاز قابلوا عيني بكت.


علي غلاك نين تموت العين ياعلم بات رايها.


علي جار طالق نار غلاك وين ماجا لخاطري .


عليك بالعلم ياعين اللي عجاج ميراده طرب.


عليك خاطري مجروح وياعزيز ناويش درتلك.


عيب ياعزيز النقص وهن معاك دجاية غلا.


عزيز وقت نوم الناس سريبه يجي دون خاطري



عزيز وين ما نطروه يسيلن رقيقات الغرض.


عزيز هو سبب لنظار عماهن وما بايقودهن .


غفت العين جاب العقل سريب ياعلم طار نومها.


غني في غني مشتاق زعمه كيف لا ماهم يجي.


غربه وجا يـلين عليك زعمه ويش قانوك لهم.


غلاك عضم كسره قند دقداق ما جبيره تلايمه.


غالي علي لنظار حتي وانت مرهون ياعلم.


فدا عزيز مو ميجود كبير جا علينا فاهقه.


فراق ا لعزيز صعـيب تخريج روح يانا موعره.


فراق العزيز صعيب والصبر في فراقا كادني.


قديم جرحهم لولاف حقا وهم غنايا ما بري.


قفزات خاطري م النوم اسبابه الغنايا وجرحهم.


قليلة نجا ياعين من يوما وطيـتي نارهم.


كلت زنايقه تقديع العقل ياعلم نار الغلا.


كبرت نار شاطت نار ولعت نار في نار قابلت.


كانت العين مزار في زمان ضاري يا علم.


كانت العين مزار يجوها مجاذيب يوقعوا.


كبيره عليه العقل تجفاه دار ويعاود لها.


كذاب يا منام الليل تجيب في ناس طال ياسهم.


لو كان ما خلق مولاي مغير أنت وأنا والغلا.


لو كان ا لوطا تنشال نشيلو عزيز ومقعده.


لو كان يقسم المرهون نرجوه ما علينا في البطا.


لو كان يا منام الليل تبقي رسيل بيني وبينهم.


ليش يا عزيز ادير الصوب وأنت عابي ع الخطا.


مبدوعه نديروا صوب تصير في عقابه مخادعه.


مرهون يالعين أنسيه ديري عزاوين واصبري.


مرهون جاصداف العقل عليه تبت توباتي نقض.


مرزي العقل كا مي داه من خوفا يشاكيك تنكره.


مرزب العقل داه كبير اسبوبه مرا هين مافضوا.


مستوحيات ياس طويل’لنضار في عزيز يوادعن.


مواير يبانن فيه مرهون كان واري حقوقنا.


نا مالي عليك ملام ويا ياس ليش أتزورني


ننهي العقل نين يريض نلقا غلاك ماليه ياعلم.


ننسوا فيه يوم بيوم عزيز نين ياساته مضن.


نرجاهم أطناشر عام بحساب يوم في شأن ألوفا.


هاوي عليك الياس بلا عزيز يا عين اصبري.


هنيه تبات العين أن كان صوب لولاف كملت.


هتا يا يلموا فيه ورا عزيز ما زال خاطري.


ولد اليأس جاء منطاز ونا غلاي ما زال عسكري.


وريني بعد لولاف أنتي زهاك ياعين أيسمه.


وراء عزيز دار بدار لنظار يا علم نين أشرفن.


وا خذين ما في ألعقل سوي بعاد والا أيقربوا.


وما نظرن زول عزيز لهن أيام في أيام يا علم.


يكساها ضباب تحوس العين وين لو هامك تجي.


يـبدل غلاك بصبر المولي أللي يأسك كتب.


يجفاك من امرارك فيه ويجيك من امرارات الغلا .


يزيدن شقا وسمور غيات المراهين ياعلم.


لا سفيه لا جوال مغير لا زمه صوب العلم.


لا عزيز داير خير ولا خطاه لاقيله جهد.


لا عزيز لا طاريه معاي يا جذر خوذ غايتك.


لا تعاندي مولاك علي عطاه يا عين أصبرى

حمزة بوحقيفه
مشرف الشعر الشعبي والادبي

عدد الرسائل : 95
تاريخ التسجيل : 11/11/2006

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى