نهار الزفة سبحان كيف لانبرح ولانتوفي **على وين مايخطر

اذهب الى الأسفل

default نهار الزفة سبحان كيف لانبرح ولانتوفي **على وين مايخطر

مُساهمة من طرف حمزة بوحقيفه في الثلاثاء يناير 09, 2007 3:08 am

نهار الزفه .. سبحان كيف لا نبرح ولا انتوفى .. علي وين مايخطر

نهار ادموعي ..
سالن وما سالوا علي موضوعي
منشاب نارها مطمور بين اضلوعي
ابطول ياسها والموح ما يطفى
ومايهمني ف الناس ناصب نوعي
انجي للدموع الساخنه نذرفها
قسمي وراس المال هي مشروعي
وخذت وابيش الخايله نخلفها .......

نهار حشيره ..
نهار زوقت تزويقت المجيره
وداروا مع وسط البلاد مسيره
قدام حوشنا لفوا اطناشر لفه
يرزن ونا مرزي عليك اميره
سواد العيون مع شعر سالفها
وزادت عليهم بالسواد بصيره
تفريشتي بعد ركبت بلا محرفها .......

نهار العازه ..
نهار غيبت العاراك والحزازه
عدوا اتقول امشيعين جنازه
في فيلو كيف الكفن كتفها
توارت وخلت ف الكنين حزازه
صعيب كشفها عالطب مايعرفها
ونا من البخت من العمل كنت اجازه
بيش قهرتي نحضر ونشرشفها ........

نهار امنانا ..
عدت ولا صاحب حضر عزانا
الناس كلها في عرسها فرحانا
علي ماانحلل ماوضح موقفها
ولا من ايجامل ولا بكا لبكانا
ولا لقيت شخص معاي حالي شفا
سيارة العروس اخطمت من يالانا
ولا فرخ من جيرانا حاذافها ................

نهار الزفه .. سبحان كيف لانبرح ولا اتوفى .. علي وين مايخطر

حمزة بوحقيفه
مشرف الشعر الشعبي والادبي

عدد الرسائل : 95
تاريخ التسجيل : 11/11/2006

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: نهار الزفة سبحان كيف لانبرح ولانتوفي **على وين مايخطر

مُساهمة من طرف السراب في الجمعة أكتوبر 19, 2007 10:47 am

قصيدة يونس شلبي على ما اعتقد من شعراء مدينتنا الغالية اجدابيا

السراب



ذكر
عدد الرسائل : 27
تاريخ التسجيل : 17/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى