غناوى على الفاهق2

اذهب الى الأسفل

default غناوى على الفاهق2

مُساهمة من طرف حمزة بوحقيفه في الخميس نوفمبر 23, 2006 8:58 am

ننهاك ع الغني ياعين نلقاك في سريبه عايله.


ننهي العقل نين يريض نلقا غلاك ماليه ياعلم.


ننهي العين ع المرهون تقول في ضلالي خلنـي.


ننسوا فيه يوم بيوم عزيز نين ياساته مضن.


نرجاهم أطناشر عام بحساب يومفي شأن الوفا.


هذا هو الياس صحيح إلا لولي فيه الجرجاء.


هداهن الله ع الخير لنظار كان تابن ع الغني.


هاوي عليك الياس بلا عزيز يا عين اصبري.


هنيه تبات العينأن كان صوب لولاف كملت.


هتا يايلموا فيه ورا عزيز ما زال خاطري.


ولد اليأس جاء منطاز ونا غلاي ما زال عسكري.


وريني بعد لولاف أنتي زهاك ياعين أيسمه.


وراء عزيز دار بدار لنظار يا علم نين أشرفن.


وا خذين ما في ألعقل سوي بعاد والا أيقربوا.


وما نظرن زول عزيز لهن أيام في أيام يا علم.


يا طول ما رداك غلا عزيز وا ليوم هانوك.


يّطـافر نهدي فيه العقل واجعه موح دارهم.


يكساها ضباب تحوس العين وين لو هامك تجي.


يـبدل غلاك بصبر المولي أللي ياسك كتب.


يجفاك من امرارك فيه ويجيك من امرارات الغلا .


يرجي غلاك والياس العقل ما عرف خير أيهن.


يزيدن شقا وسمور غيات المراهين ياعلم.


لا تايسي يا عين فرج الله ماريت ما قربه.


لا سفيه لا جوال مغير لا زمه صوب العلم.


لا عزيز داير خيير ولاخطاه لاقيله جهد.


لا عزيز لا طاريه معاي يا جذر خوذ غايتك.


لا تعاندي مولاك علي عطاه يا عين أصبري. مع تحياتى لكم حمزة بوحقيفه

حمزة بوحقيفه
مشرف الشعر الشعبي والادبي

عدد الرسائل : 95
تاريخ التسجيل : 11/11/2006

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default بورفيق

مُساهمة من طرف برشلونة في الجمعة نوفمبر 24, 2006 7:18 am

الوقت خان يابال انت ...... على خطاك مانى لايمك
خاطى علايلك يا وقت..... فقدت عزيز عله ابروحا



احلى مسا لابو رفيق

برشلونة
مشرف منتدى الكرة الليبيه

عدد الرسائل : 40
تاريخ التسجيل : 18/11/2006

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: غناوى على الفاهق2

مُساهمة من طرف my twins في الجمعة نوفمبر 24, 2006 2:52 pm

منور خونا حمزة بوحقيفه
على الشعر الحلو
بالنسبة للشعر والله ما عندي فيه لكن اهو مرة مرة نخش انشجع المبدعين
ومشكور خوي مرة تانية

my twins
زائر


الرجوع الى أعلى الصفحة اذهب الى الأسفل

default رد: غناوى على الفاهق2

مُساهمة من طرف القرش في السبت نوفمبر 25, 2006 3:40 am

انتا مبدع يا خويا حمزه والله ونتمنا منك المزيد
avatar
القرش
اداري
اداري

عدد الرسائل : 45
تاريخ التسجيل : 17/11/2006

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى